My Actifit Report Card: October 13 2025

آج اکتوبر کی 13 تاریخ تھی اور منگل کا دن تھا سورج صبح 6:06 پر طلوع ہوا اور سورج آج 5:37 پر غروب ہوا ۔ آج کا آرٹیکل میرا زندگی کے متعلق ہے ۔ زندگی میں انسان جتنا ہو سکے ہر حال میں اپنے آپ کو مطمئن رکھے تو وہ اس کی خوشی کا باعث ہوگا نہ کہ انسان صرف خوشی کی تلاش میں لگا رہے انسان خوشی کو خود اپنے اندر محسوس کرے گا تو وہ خوش رہ پائے گا خوشی کو تلاش کرے گا تو کبھی بھی نہیں مل پائے گی ۔ ہر وہ لمحہ خوشی تصور کرے جس میں وہ زندہ ہے کیونکہ سب سے بڑی خوشی تو انسان کی اپنی زندگی ہے جس کو وہ کبھی محسوس ہی نہیں کرتا ۔

زندگی کبھی بھی مکمل سکون یا آسانی کا نام نہیں رہی ۔ ہر عمر ہر مرحلے اور ہر مقام پر کوئی نہ کوئی مشکل الجھن یا آزمائش ضرور ساتھ چلتی ہے ۔ اگر ہم ہر چیز کے سدھرنے حالات کے بہتر ہونے یا زندگی کے مکمل سنورنے کا انتظار کرتے رہے تو وہ "مثالی لمحہ" شاید کبھی نہ آئے۔ کیونکہ زندگی ایک گاڑی کی مثل ہے جو چلتی ہی جارہی ہے تک نہیں جاتی ایک جگہ پر ۔ اکثر لوگ یہ سوچتے ہیں کہ جب سب ٹھیک ہو جائے گا تب ہم خوش ہوں گے یا جب مسائل ختم ہوں گے تب ہمیں سکون ملے گا ۔ لیکن حقیقت یہ ہے کہ خوشی کسی ایک خاص موقع یا وقت کی پابند نہیں ہوتی یہ ایک سوچ ہے ایک انداز ہے ایک شعوری انتخاب ہے۔

زندگی ایک بہتا ہوا دریا ہے جس میں کہیں نرمی ہے تو کہیں سختی۔ اگر ہم صرف آسانیوں میں جینا چاہیں تو زندگی کا بڑا حصہ ہاتھ سے نکل جائے گا۔ اصل کامیابی یہ ہے کہ ہم طوفانی لمحوں میں بھی مسکراہٹ تلاش کریں الجھنوں میں شکر ادا کریں اور اندھیروں میں بھی امید کا چراغ روشن رکھیں۔ اگر ہم ہر کام کے آسان ہونے کا انتظار کرتے رہے تو وہ وقت شاید تب آئے جب ہمارے پاس وقت ہی نہ ہو۔ اس لیے جو لمحہ ہمارے پاس ہے وہی سب سے قیمتی ہے۔ آج کو اپنائیں چھوٹی چھوٹی باتوں میں خوشی ڈھونڈیں اور ہر حال میں جینا سیکھیں۔

زندگی کا اصل حسن اس میں نہیں کہ سب کچھ مکمل ہو بلکہ اس میں ہے کہ ہم نامکمل چیزوں میں بھی خوبصورتی تلاش کرنے کا ہنر جانتے ہوں۔ لہٰذا، خوشی کا انتظار مت کریں خوشی کو جینے کا ہنر اپنائیں ۔ کیونکہ وقت کسی کے لیے نہیں رُکتا

This report was published via Actifit app (Android | iOS). Check out the original version here on actifit.io

Daily Activity, Fitness Gaming, Home Improvement, House Chores, Jogging, Play with kids/grand kids, Walking, Yard Work

Height 165 cm		Weight 65 kg		Body Fat 45 %
Waist cm		Thighs cm		Chest 32 cm